٢٠‏/٧‏/٢٠١٠

سيناء العزيزة الغالية ............................. انى اكرهك

هواء مختلف جدا
ليس بمنعش ولا رائحة مميزة له .ولكنه مختلف تماما و بالتأكيد
هذا ما استنشقته و شممته بمجرد عبورنا نفق الشهيد احمد حمدى ......... هل لانى استنشقه لاول مرة ام لانه ممزوج برائحة دماء شهدائها .
سمعنا عنها كثيرا و درسناها ولكن اليوم اخطوها و اعاينها رأى عين .
انها سيناء ..................... حتى لو كانت صحراء و رمال و جبال فانها عندى تكتسب اهميتها من كونها تكلفت أرواح 180 الف جندى – بحسب اقل التقديرات – و هذا ما يعطيها قيمة غالية حقاً.
آبائنا و جدودنا قاتلوا هنا .... منهم من عاد و منهم من احبته سيناء و استئثرت به .
" الرجالة ماتوا فى 73 " جملة كنا نتندر بها ايام خدمتنا العسكرية – الجيش – و لكن اليوم تأكدت من صدق هذه الجملة بدون شك .
عندما ارتدينا الزى العسكرى و امسكنا بسلاحنا كنا نعتقد اننا من الممكن ان نكون مثل من سبقونا على ارض سيناء ..... ولكن الان وجب الاعتراف اننا كنا نلهو و نلعب ولا نقاربهم فى شئ .
جنود و قادة : فالجنود الان لا يعرفون قيمة الزى العسكرى لدرجة ان كثيرا منهم يختال بوضع الكاب او البوريه فوق كتفه و يسير مزهوا و للاسف و الحسرة هو لا يعرف يقلد من .؛؛؛؛؛
اما القادة فحدث ولا حرج فهم الان اخر ما يفكرون فيه خدمة الوطن من اجل الوطن ... هم يعتقدون و يروجون ذلك ولكنهم فى الحقيقة يخدمون شخص قائدهم الاعلى فقط حتى لو على حساب الوطن ...
فهل يعقل ان تسخر امكانيات جيش للاعداد للاحتفال بعيد ميلاد الرئيس او عودته بعد العلاج اوفى مناسبات على حسب هواه .......... انهم مشغولون بتمجيد قائدهم .
اسوء ما فى الامر و ما يدعو الى اكثر من الاسى هو التفتيش عند كل نقطة امنية و اظهار البطاقات و الاوراق ورغم هذا يسألونك " رايح فين " ؟؟؟
الا يكفى انى مصرى حتى اتجول بحرية على هذه الارض ؟؟ يهل يعى او يفهم امين الشرطة هذا او رؤسائه او حتى وزير داخليته اذا قلت له ان ابى قاتل على هذه الارض ، عمى استشهد على هذه الارض ، عم امى استشهد ايضا على هذه الارض ..... هل يفهمون او يعون ؟؟؟
سيناء العزيزة الغالية ....................................... انى اكرهك .

هناك ٦ تعليقات:

darien يقول...

السلام عليكم ورحمة الله وبركاته
صلى كده على الى هيشفع فيك يوم الدين
ازاى شاب مصرى طموح ومحب للخير والحب والجمال وازاى بتكره
واية ارض مات فيها ناس غالية عليك ومن دمك مهما اتعرضنا لمهانا فى بلدنا لايمكن نكره اى شبر فيها احنا بنحبها بحلوها وبنستحمل مرها

شمس العصارى يقول...

دارين : اهلا بكى
اللهم صلى و سلم و بارك على سيدنا محمد
ماهو يا ستى مش حقدر اوصلك شعور ان حتة امين شرطة ميستاهلش هو و ظباطه كمان يفضلو يحققوا و يسألو و يستفسروا " رايح فين - و ليه "
طيب على قولك بنحب بلدنا طيب ينفع نتمنع من دخول جزء منها او نحس اننا غرباء فيها
فعلا دماء اعمامنا و جدودنا على هذه الارض ده مش كافى
فيها ايه لما مواطن مصرى - الفيش و التشبيه بتاعه سليم هههههههه - حابب ان يزور سيناء و يمشى على ارضها
كارثة دى
تصدقى بالله طلبوا منى فى الشغل اروح نويبع و شرم و اعتزرت متعللا ببعد المسافة و الارهاق
عن جد انا متضايق من سينا او الى بيعملوا فينا كده علشان سينا
يبقى بلاها سينا

darien يقول...

لا الله الا الله خلاص بلاها سينا وروح شرم حلو الشغل ده نوبيع وشرم
انا مش بحسد انا بحقد تيجى نبدل
ما هو برضوا فى السفر سبع فوائد شغل واستجمام وقليلا من حرق الدموانت اكيد عارف باقى الفوائد

شمس العصارى يقول...

هههههههههههههه
مش شغل سياحة ولا فسح
لالالالالالا
ده دعم فنى و صيانة فى مجال الكمبيوتر
يعنى احقدى براحتك ... و موافق نبدل بس الى يستحمل هههههههه
ولا هو كلام بنات
اه عارف باقى الفوايد
حرق دم
و ارهاق
و تعامل مع بش مش بشر
و تحسر لما تروحى مكان جميل و متاخديش فيه وقت كفاية
كل ده انا جربته
مش عارف فى فوايد تانى مجربتهاش ولا ايه
هههههههههههههه
دمتى بكل خير
الا شغلك الى عاوزة تغيريه ده ايه

darien يقول...

شركة اوراق مالية ها تبدل انا لسه عندى استعداد ومش كلام بنات

شمس العصارى يقول...

ماشى كلام البنات
موافق طبعا
شركة اوراق مالية يعنى بتكسبوا من الورق و الهوا
و بتقبضوا قد كده على قلوبكم هههههههههههه
انا مش بحسد
انا بقر بس ههههههههه
شغلينى معاكم الاول و بعدين احكم ههههههه