19‏/10‏/2010

الرياضة ......... فرحة مش شماته




اسمه الاهلى المصرى
اسمه الزمالك المصرى
اسمه الاسماعيلى المصرى
اسمه حرس الحدود المصرى
اسمه بتروجيت المصرى
ما عدا فريق المصرى اسمه المصرى البورسعيدى المصرى ههههههههههه ويعيش ابوالعربى .
المهم  
فلا داعى لان يفرح مشجع مصرى بهدف يدخل مرمى فريق مصرى – اى فريق – وخصوصا اذا كان يعلب فى بطولة قارية او دولية .
صديقى المشجع – المعبر عن فرحة فريق اخر شماتتا فى فريق مصرى - :
 انها فرحة لا تخصك
وهدف لا يضيف الى فريقك بطولة
وفوز  فريق اخر يصعد به  لمنصة التتويج  لا يصعد بفريقك انت .
صديقى الشامت انا لا افرح فى فريقك عندما ينهزم من اى فريق الا اذا كان يلاعب فريقى وساعتها يكون فرحى لفوز فريقى لا لهزيمة فريقك .... فلما تؤذينى باظهار شماتتك فى فريقى . 
نعطى الحق – كل الحق – لاى مشجع يفرح بهدف او فوز لفريقه سواء محليا او غير ذلك
ولكن عندما تفرح – او بالاحرى تشمت – فى فريق اخر من بلدك هزم فى بطولة قارية  لمجرد انه خصم ومنافس لفريقك محليا وحتى وهو لا يلاعب فريقك انت ... فماذا تريد ان تثبت لنفسك وللاخرين ؟؟؟
افرح لفريقك ............. افرح لنفسك
ولكن اخجل منها عندما تفرح – او تتظاهر بالفرح شماتتا – لفوز فريق من اى بلد  على منافسك غير فريقك .
خصوصا اذا كان الفريق الفائز وجمهوره لا يأبهون لفرحك المزعوم وربما لا يريدونه من الاساس .
صدقونى – وعن معايشة لاحداث كثيرة لسنوات – ان الجمهور الافريقى لا يشعر بحجم فوز فريق له وقيمته ولا يضخم منه ولا يبالغ فى الفرح والسعادة والاحتفال به  الا اذا فاز على الاهلى المصرى . حينها يقولون " فزنا على مصر " .

هناك 13 تعليقًا:

جايدا العزيزي يقول...

والله عندك حق اخى

انا بقول الرياضه اخلاق اولا واخيرا

وجميعنا مصريين

فوز اى نادى سيكون فوز لمصر اجمع

بقى فيه شماته وتفرقه حتى فى الكوره

ولسه ياما هنشوف

موضوع رائع يحمل فكر سامى

دمت مبدع

بس ليه ما دخلتش تقيم جايدا العزيزى

ده انا واخده الفكره منك

اشكرك

تحياتى

شمس العصارى يقول...

جايدا : اهلا اهلا
منورة دائما
الرياضة اخلاق وفن واحترام وفرح اكيد
بس كل مشجع يفرح لفريقه هو مش لهزيمة المنافس
" فكر سامى " مين سامى ده ههههههههههه
ده فكر كروى
وانا بعتذر يا ستى على تاخيرى فى دخول مدونة جايدا بس والله دى اول مرة ادخل نت من 3 ايام وحتى بوست سونيتى الى عارضه فيه المدونات المشتركة شوفته بس لكن مفتحتش اى مدونة منه
حدخل حالا ان شاء الله
بس خلى بالك المرحلة الاولى من الحملة بتقول ان المدون يقيم نفسه
يعنى انا حدخل اقرا تقييمك وحعلق على تقييمك انتى
لا حرمنا الله زيارتك

LOLOCAT يقول...

السلام عليكم ورحمة الله

بفرح اوى اوى لما الاقى راجل اوشاب يقول الكلام ده
اشكرك اخى بارك الله فيك
اد ايه كنت حزينة وقت المشاكل بين مصر والجزائر والسبب كورة صغيرة
وكنت عرضت ان اشترى لكل اعضاء الفريقين كور على حسابى الخاص علشان المشكل ينفض على خير ويبطلوا يتخانقوا على كورة واحده ههههه بس الفيفا رفضت عرضى وقالت انها بتفرح اوى لما تلاقى شعبين من العرب بيتخانقوا وبيختلفوا هههههههه
والله بتيقى حالة من التفاهه (اعتذر للفظ) من اى انسان يشمت او يفرح بتعصب فى الرياضة ومش بنشوف الحماس ده فى امور كتير مهمه بحياتنا وبتحتاج دعم من الشباب

جميل كلامك بس الاجمل ان حد يسمعه ويعمل بيه من المتعصبين


تحياتى لك اخى ودمت بكل خير

شمس العصارى يقول...

لولو : وعليكم السلام
الايام كفيلة انها تغيير ناس كتير واللى النهاردة بيتعصبوا ربما بعد 10 سنين ينسوا تعصبهم .... او كما نتمنى
الفيفا الجزء الاصغر من ازمة مصر والجزائر
اما الجزء الاكبر فهو عندنا نحن او بالادق عند ابن الرئيس والاعلام
المهم احنا فيها ونفذى عرضك وهاتى الكور ولا اقلك هاتى فلوس الكور وانا حشتريها بالنيابة عنك ههههههههههه
اللى انا قصدته فى البوست ان محدش يظهر تظاهره بالفرح للشماته فى حد تانى
يعنى مينفعش وسط الفين ونص تقريبا خمسة او ستة او عشرة يهللوا بهدف باليد لمجرد انه دخل مرمى الاهلى
يارب الكل يسمع ويارب الكل يترك التعصب
مشكورة لولو لمرورك

شيرين سامي يقول...

الشماته أحد الأمراض المتفشيه في المجتمع و كويس انك اتكلمت في المضوع ده و عندك حق في كل كلمه كتبتها...و دمك خفيف كالعاده
بالنسبه لتعليقك على مدونتي في الميزان فممكن تقرى ردي عليك هناك
تحياتي

abdullatif يقول...

هذه الظاهرة لا يقتصر وجودها على مصر فهي تنتشر في عالمنا العربي ، وتحدث عندنا بشكل أكبر ، فلا يقتصر الأمر على الشماتة بل يجعل جماهير الأندية الأخرى تحضر إلى المباراة لتشجيع الفريق الضيف.
أعتقد أن الظاهرة تحتاج إلى دراسة الأسباب المؤدية أليها، وهل هي تحدث عندنا فقط أم في كل العالم؟.
وتقبل تحياتي

Sonnet يقول...

أنا هاشجع مصر و ابو العربي

بنوتة مصرية يقول...

بختصار دى اخلاقيات كرة القدم مع انها للاسف مجرد لعبة ...لعب يلعب ..فهو لاعب .. وهى لعبة ههههههههههههه

شمس العصارى يقول...

شيرين سامى : اهلا بكى
انا معاكى فى انها امراض لطن الغريب انهم يتباهوا بتلك الامراض
وده بدل على فراغ نفسى وعقلى
شكرا على اطرائك
قرات ردك فى تقييمك لمدونتك
وان شاء الله اتابع
ـــــــــــــــــــــــــــــــ
اية : اهلا لوجودك
دى اخلاقيات كرة القدم المصرية وليس كرة القدم عموما
هى لعبة وهو لعيب ههههههههه

شمس العصارى يقول...

عبداللطيف : اهلا بك
انا معاك فى انها اوضح فى مجتمعنا العربى ودى يمكن بتدل على عقلية العربى اللى عنده "الانا" عالية جدا
اعتقد ان اسبابها ثافية تعليمية ونفسية كمان
واسبابها كلها متوفرة فى مجتمعنا المصرى اكيد
اما حضور الجمهور لتشجيع المنافس فده يتعدى مرحلة الشماته
مرور جميل واول زيارة ويارب متكنش الاخيرة

شمس العصارى يقول...

دكتورة ايمان : اهلا بكى ومنورة دائما
هو فى منتخب ينهزم من النيجر وبعد كده حد يشجعه ههههههههه
انتى عارفة تصنيف النيجر فى ترتيب الفيفا حوالى ال120
اما مصر فترتيبها ال9
بالذمة ده يجوز ههههههههههه
انا معاكى ان الانتماء القومى لابد وان يسبق انتماء النادى
بس المنتخب بعافية حبتين حاليا
تفتكرى لو بخرناه ببخور جاوى يجيب نتيجة هههههههههه
ماهو ابو العربى ولاد عم الاسماعيلى ههههههه ملعوبة برضه يا دكتورة
مروره جميل يا دكتورة

جايدا العزيزي يقول...

كل عام وانت بخير

كل عام وانت الى الله اقرب وعلى طاعته ادوم

عيد اضحى مبارك

اعاده الله عليك بالخير واليمن والبركات

ويارب العام القادم تكون عند الحبيب المصطفى

عيد سعيد

تحياتى

Sonnet يقول...

عيد سعيد و لو انها متاخرة
اين انت من فترة بعيدة عن المدونة؟
لعله خير بإذن الله يا اخي