٢‏/٢‏/٢٠١٠

مش كتير على مصر .......... لا ده كتييييييييير قوى عليها


حلوة بلادى السمرا بلادى  الحرة بلادى السمرا بلادى
واناااااااااا على الربابة بغنى مملوكش غير انى اغنى و اقول " تعيشى يا مصر " .... يا مصر
واناااااااااا على الربابة بغنى مملوكش غير  غنوة امل للجنود .... امل من مصر .......... ليكى يا مصر
و ليكى يا مصر ....... ليكى يا مصر  ،،، بغنى و ابارك كل خطوة  تعدى تعدى على الطريق الصعب .. تحيا مصر .... و بغنى غنوة الحرية قول معايا يا شعب .... تحيا مصر ... تحيا مصر
اغنية وردة الشهيرة جدا
و انا استمع اليها تذكرت موقف انا اراه مهم رغم بساطته و عدم اكتراث الكثير لأمثال تلك المواقف
الموقف باختصار : قبل نهائى امم افريقا 2010 بين مصر و غانا بساعات قليلة جدا
شاهدت صبى – حوالى 10 الى 12 سنة ليس اكثر -  صبى عادى بملابس بيسطة جدا و يحمل علم مصر
سألته : بكام العلم ده
قال : 15 جنيه
قلت : بابتسامة " مش كتير "
رد : بكل تلاقائية و عفوية " مش كتير على مصر"
تبسمت و قلت ساخرا  لالالالا كتير عليها قوى
قال : واحد بيشجع مصر امال حشجع الجزاير يعنى
انتى الموقف و الكلام  و سرت فى طريقى و تركت الولد خلفى و اخذت افكر فى كلماته
كنت اقصد كل معانى الجملةالتى قلتها له -لالالالا كتير عليها قوى -  التى لا يفهم تلك المعانى  هو و لن يفهما الا بعد سنوات
ليس كرها لمصر و لكن معاناتا منها كما يحدث واقعيا
فنحن من تعلمنا و فهمنا و نعمل و نكسب بالكاد ما يسد احتياجاتنا  نعانى من مصر
يا الله ......... هل يدرى هذا الطفل بكل بساطته و هو يعبر عن حبه لمصر  هل يدرى اى مستقبل مظلم تجهز له مصر  هل يدرى ما تخبئه له مصر
مستقبل مجهول بدون ملامح لا تعليم لا امان لا صحة لا حقوق لا عمل لا حياة كريمة ان كانت هناك حياة من الاساس
لكن ما الذى زرع داخل هذا الطفل – و غيره – هذا الشعور تجاه مصر
وهذا الشعور ضد كل ما هو غير مصرى حتى و ان كان عربى 
و لماذا نلومهم و نحاكمهم عندما يكبروا و يفهموا حقيقة مصر
ماذا اعطيناهم حتى ننتظر منهم
انظروا ماذا تقول مصر – السلطة و الشعب – على من لا يعمل ولم يتعلم ولا يملك شئ و لا يجد قوت يومه و يحاول الحصول عليه حتى ولو أخطأ مجبرا كما يحدث فى واقعنا المرير
اليس مستقبل هذا الطفل و امثاله سيكون حتما – حسب الواقع الحالى – مثل مستقبل المطرودين من رحمة مصر سواء جوعى او عطشى او مسجونين او مطحونيين او مذلولين
ماذا اعطتهم مصر حتى تتنظرهم مواطنيين صالحين
بعد استقراء الواقع تخيلوا شكل مصر و شعبها بعد20 سنة
اترككم مع التخيل فقلمى لا يستطيع وصفها حينها
مش عاوز انسى ....... 15 جنيه على علم مصر كتييييييير قوى ان لم يكن خسارة فى مصر اساساً
دمتم فى حب مصر 2/2/2010


هناك ٤ تعليقات:

ehabafndy يقول...

صلى على النبى يا عم إنت مالك مخنوق قوى كدا ليه متنكرش على أى شخص تمسكه بأى بصيص من الأمل أنا معاك إن كل حاجه زفت و المستقبل ضلمه بس فى ناس شافت قطاع ما من الدوله حتى لو كان قطاع الكوره بينجح و فيه ناس بتوصل طبيعى إن أى حد يقول أخيرا حاجه أهى يعنى ممكن و الله ينصلح حال البلد فى يوم من الأيام حتى لو كان أمل كاذب يبقى فى النهايه إسمه بصيص من الأمل مهوا مش ممكن الناس تعدم كل حاجه خالص دى متبقاش عيشه دى دا إحنا نروح ندفن نفسنا بالحيا بقه.

شمس العصارى يقول...

ايهاب : اهلا بيك
اللهم صلى على سيدنا محمد
الخنقة الى انا فيها دى طبيعية جدا و ده علشان الاوضاع الى احنا فيها
انا لم اقصد انكر نجاح المنتخب او فرحة الناس بيه
لالالالالالالالالالالا
انا بتكلم على الاوضاع التانية مش على الكورة
بتكلم على اوضاع البلد و الواقع الى احنا شايفينه
يعنى يا ايهاب اطفال الشوارع او الاطفال امشردين او الاطفال الى بدون ماوى او بدون اكل دول بعد 20 سنة حيبقى ايه وضعهم فى المجتمع و خلى بالك العدد ده كتييييييييييييير ملايين يعنى
اختصار انا اقصد ان مصر - الرئيس و الحكومة - تهين شعبها فماذا سيكون رد فعل الشعب
و الفئة الى انا اقصدها هنا فئة كبيرة جدا زى ما قلت بالملايين
و انا اخالفك الرأى حول موضوع نجاح الكرة انه قد ينتقل الى قطاعات اخرى
انا لا اعتقد ذلك
طيب ما الكرة نجحت خلال 1986:1990 و نجحت فى 1998 و نجحت فى 2005: 2009 سواء اندية او منتخبات لكن خلال كل الفترات دى رغم نجاح الكرة ليه مفيش قطاعات تانية حققت اى شئ يبقى اشمعنا فى 2010 بعد نجاح الكرة القطاعات التانية حتغير مثلا
المشكلة فى رأس الحكم و اعوانه و بطانته
و الامل لما يبقى كاذب ميبقاش امل
و بصيص الامل ليه اشعاعات و اشارات
و بعدين مين قلك ان مفيش ناس مدفونة بالحيا .... هى الناس الى بتاكل من الزبالة و عايشة فى عشش دى تعتبر ناس حية ...... لا اعتقد ذلك
المهم مبروك فوز مصر و يارب دايما

introducing islam series يقول...

ياعم كتير على العلم 15 جنية طبعا انا اروح انجولا ارخص
بس الفكرة ان مصر لابسه لون الاسود اللى فى علمها وملبسانا احنا الطرح
بس فيها حاجه غريبه كل ما تكرهها اوى تحس انك بتحبها وكل ما تبعد عنها تحس انك نفسك ترجعلها عامله زى المخدرات مكلبشه فينا مش راضيه تسيبنانطنطط زى العيال فى الماتشات من الفرحه ونروح نشترى علمها عشان نشجعها واحنا مستخسرين فلوس العلم فيها
ما تقولش ايه اديتنا مصر قول هندى ايه لمصر
ارفض هذا المبدء تماما لانه مبدء مغلوط لتعريف معنى الانتماء الام تعطى اولا والابن يرد الجميل
اولا مصر احنا الللى عملنا فيها كل حاجه وحشه سيبناها للديابه ينهشوا لحمها ولما اتفقت مع الديابه علينا قولنا شوفتوا مصر عملت فينا ايه سيبناها للناهيبه والحراميه ومشينا جوه الحيطه سيبناها للى بيزور الانتخابات
انت عارف انا بحس ان احنا زى الارانب فى الغابه الاسود بتجرى ورانا واحنا بنحاول نهرب الاسود ديه هى الفقر والظلم والسرقه والخ الخ وعمرنا ما هنعرف نخلص على الاسود ديه طول ما احنا ارانب الا لو سممنا نفسنا
او بقينا وحوش من تانى

شمس العصارى يقول...

طبعا كتير على العلم 15 جنيه ده لو وزعوه مجانى بره حيبقى غالى هههههههههه
هى ملبسانا الطرح اه بس هى مش لابسة الاسود لا دى بتتنطط من الفرحة باللون الاحمر مش شايف صهللتها و ضحكتها كل يوم
بس تعبير حلو منك
انا مش شايف غرابة فيها احنا بنكرها بحكامها بمؤسساتها بصعوبتها بغلائها لكن بنحبها بشجرها و نخيلها و نيلها و الناس الطيبة
و اديك انت بتقول الام بتعطى طيب هى اعطتنا ايه
لالالالالالالالالالالا مش احنا الى عملنا كده فيها مش كل الناس تتحمل المسئولية بنفس الدرجة غيرنا هو الى استغل القوة و الجبروت ضدنا و الى بيقف و يتكلم يا اما يموتوه يا اما يعتقله يا اما يجوعوه و يعروه
مش كل الناس السسب و مش كل الناس مشتركة فى ده
انا معاك فى اننا ممكن نسمم نفسنا انا كنت بسميه " الحل فى اليائسين " يعنى كل واحد يائس و مستغنى عن الحياة ياخد واحد من الظالمين معاه ... اعتقد واضحة
و لعلمك هما مش اسود لو اسود كانوا احتموا فى قوة شرعيتهم لكن دول بيحتموا بقوة ظلمهم
" ليس لها من دون الله كاشفة
شكرا ياسر على تعليقك