٢١‏/١١‏/٢٠١٠

دوائر مفتوحة وعقول منغلقة

مع بداية التسعينيات قدم الراحل الرائع " إبراهيم شكري " رئيس حزب العمل  مشروع قانون يقضى بعدم تغيير العضو المنتخب لصفته التى نجح بها فى الانتخابات بعد دخوله المجلس .بمعنى ان لا يحق لاى عضو الانضمام الى اى حزب -غير حزبه- سواء كان هو حزبيا اصلا او مستقلا  .
رغم قناعتي التامة هذه المرة بضرورة مقاطعة الانتخابات وكم تمنيتها مقاطعة شاملة من كل القوى المعارضة وخاصة " الإخوان المسلمين " – برغم احترام حقهم  فى المشاركة والقرار – ورغم أنى كنت نويت الا أتحدث عن الانتخابات من قريب او من بعيد حتى نهاية مسلسلها الهابط
ورغم كونها احد الأسباب التى زادت من انقطاعي عن الأخبار و المتابعة  فى الفترة الماضية إلا أن شر الانتخابات ما يضحك .
(الدوائر المفتوحة ) على طريقة الحزب- اللى ملوش شعبية - أضحكتني وأزعجتني .الحزب رشح حوالى 810 مرشح للتنافس على 500 مقعد .
أزعجتني لأنها إجابة صريحة من النظام على ضمان تمرير التوريث العام القادم وتحمل معنى (اللي مش حناخده بالتزوير حناخده بمبدأ كلهم أولادي ) وبطريقة أخرى منعت اى احد من تصور – مجرد تصور – لشكل المجلس القادم .
اضحكتنى لانها تحمل فى ثناياها الكثير والكثير:
تحمل استخفافا بأعضاء الحزب او ما يطلقون عليه هم  " قواعد الحزب " استخفافا بهم لان الحزب أجرى انتخابات داخلية لاختيار مرشحيه.   وتمثل استخفافا بالكوادر والقيادات المرشحة وإلا فما معنى ان يرشحني الحزب ويرشح غيرى ضدى – الهذا الحد وصل الغباء السياسى – ولمن ستكون مساندة الحزب حينها.
اما اكثر شئ توضحه مدى ضعف وترهل الحزب داخليا وانه لا يقوم على نظام اساسى ولائحة داخلية  للحزب بل يخضع للأهواء والأمزجة  وتوضح بما لا يدع مجالا للشك مدى المحسوبية والعشوائية فى اختيار المرشحين فضلا عن اساءة استخدام الفلوس بمعنى " اللى حيدفع اكتر حنرشحه على قوائمنا " .
حزب يسخر اعضائه لارضاء كبرائه ثم يسخر من اعضائه انفسهم .... ماذا ننتظر منه ؟؟؟؟
اخيرا
 صوتك وسيفك لمرشح الحزب .... وبراحتك حط السيف فى المكان اللى يعجبك
وعلشان تطمن على ماضيك ومستقبل اولادك ،،،،،،،
لازم تقتل أيبك يا حودة ...... وسيبك من كلام لبنى عبدالعزيز
وخلى ابنه المنصور فى السجن .. مش مشكلة مفيش خوف منه ... ده حتى أهبل .

هناك ١٥ تعليقًا:

ليلى الصباحى.. lolocat يقول...

السلام عليكم

كل سنة وانت طيب اولا

ثانيا انا مش عارفة ياعينى ايبك هينقتل كام مرة علشان الحق يعلو ولا يعلا عليه هههههههه

يا اخى العزيز اللى يعرف الحقيقة يقاظع الانتحابات والحكومة كلها من اول الحزب الوثنى (قصدى الوطنى) لحد فراش الوزير


حتى اللى بيدعى النزاهة والشرف والمصداقية لما يقعد على الكرسى بينسى مبادؤه وكلامه


خواطر طيبة اخى وخفة ظل افتقدناها فتره

كل سنة وانت وكل الاسرة بخير وسعادة

تحياتى وارق امنياتى الطيبة

شمس العصارى يقول...

ام هريرة : اهلا بيكى ومنورانى
ايبك يتقتل المرة دى وبس
اوعدك تكون الاخيرة بس يتقتل وخلاص ههههههه
هو مينفعش مقاطعة على طول ... المهم يكون فى اجماع وطنى سواء على المشاركة او المقاطعة
شكرا على المرور والمديح
كل سنة وانتى افضل وافضل وكل من تحبى

بنوتة مصرية يقول...

ازيك يا كريم فينك كل سنة وانت طيب فين الغيبة الطويلة دى كلها

بنوتة مصرية يقول...

اخيرا
صوتك وسيفك لمرشح الحزب .... وبراحتك حط السيف فى المكان اللى يعجبك
وعلشان تطمن على ماضيك ومستقبل اولادك ،،،،،،،
لازم تقتل أيبك يا حودة ...... وسيبك من كلام لبنى عبدالعزيز
وخلى ابنه المنصور فى السجن .. مش مشكلة مفيش خوف منه ... ده حتى أهبل .
هههههههههههههههههههههههههههههههههههههههههههههههههههههههههههههههههههه
حلو الكلام دة يا كريم يضحك بجد

شمس العصارى يقول...

ايه : اهلا اهلا
ازيك وكيف اخبارك
وكل سنة وانتى بصحة وسلامة والف خير
شوية شغل وشوية سفر وشوية مرض عملوا غيبة ههههههههه
ايبك وحوده والمنصور .... كلام يودى ورا الشمس ومش بعيد بالتريننج الاحمر كمان هههههههههههه
ماهو ناس تموت وناس تضحك ههههههههه

غير معرف يقول...

حمدا لله على السلامة. انا خفت جدااا و قلت انخرطت في التدوين السياسي و لا حاجة. نصيحة من اخت كبرى:هناك مدونات ثورجية افتراضيين و مشهورين. و ساعة الجد لهم ظهر و اتصالات بالأمن. قلت يكونوا خدوك معاهم، لكن ربنا ستر.

غير معرف يقول...

رحم الله إبراهيم شكري...عقود من العمل على جبهات متعددة لكن بضمير يقظ.

Unknown يقول...

كل سنه و انت طيب و حمد الله على السلامه
طولت الغيبه:)
طبعاً كلنا مقاطعين الانتخابات بجد دي أسوأ فتره عندي عندنا في مدينة نصر مش قادره أقولك بقت بلد سامح فهمي إتخنقت من كتر صوره ده أنا خايفه أفتح الحنفيه يطلعلي
تحياتي لك و نورت البلوجر

شمس العصارى يقول...

العزيزة د/ ايمان
سلمك الله
انا مقتنع - جدا- ان لا احد يتحرك فى مصر خارج جماعته واهتمامه بها ... اطلاقا
وانا اعرف الكثير من ثورجية النت واعلم ان لهم من يساندهم من جماعاتهم واعلم ان الامن لا يطغى عليهم ويوم كا يتمسك منهم فرد يعملوا وقفات ...و افرجو عن .... و محامييهم ... و...
كما قلتى تماما
وانا لا اريد ان اكون مثلهم ولكن اكتب من غيظى وغضبى
المهم انا عرفت مين اللى حيبعتلى عيش وحلاوة لو رحت عند اخوانا البعدة هههههههههه
طبعا اخت كبرى ... قيمتا ومكانتا

شمس العصارى يقول...

شيرين سامى : اهلا بكى ونورتى المدونة
كل سنة وانتى بالف خير وسلامة
ياريت الكل يقاطع
اصل سامح بتاع البترول وبيرش كتير .. فلوس مش بترول هههه ... ودول بيردوله النقطة هههههههههههه
شوفت يافطة له بتقول " وش الخير على البترول والدهب " ... الا هو الشفط و النهب والبعزقة بقا خير عندهم ههههههههه
ربنا يوعدنا
لا ويافطة تانى بتقول عليه " صاحب السجل الوطنى المشرف " .... الا ده غير السجل العينى ولا احنا نروح السجل المدنى وبعدين نسال على السجل الوطنى ده هههههههههه
الا بالمناسبة هو ليه اقراص الALPHINTERN شاحة من السوق
وليه بطلوا ينزلواNOVIRUS جرعة 400mg

جايدا العزيزي يقول...

اخى حمدالله على السلامه

موضوع فى الصميم

صوتك وسيفك لمرشح الحزب .... وبراحتك حط السيف فى المكان اللى يعجبك
وعلشان تطمن على ماضيك ومستقبل اولادك ،،،،،،،
لازم تقتل أيبك يا حودة ...... وسيبك من كلام لبنى عبدالعزيز
وخلى ابنه المنصور فى السجن .. مش مشكلة مفيش خوف منه ... ده حتى أهبل .

هههههههههههه

بس تفتكر ان صوتنا له قيمه

او انه سيغير شئ

ده مش تشاؤم دى الحقيقه المرة

ما يحدث فى الخفاء جميعنا يعلمه

ولكننا نحاول النهوض فنسقط

اشكرك

تحياتى

شمس العصارى يقول...

جايدا : ازيك
الله يسلمك ... كيفك انتى
طبعا صوتنا له قيمة سواء كان ايجابيا - لصالح طليعة الاصلاح - او سلبيا - بحجبه عن النظام والحزب - .
يعنى تخيلى لو يوم الانتخاب والناس قعدت فى بيوتها من تلقاء نفسها
حتلاقى كام الف من زبانية الحزب الواطى هما اللى حيروحوا وبكده يتعروا ويتكشفوا على الاقل امام الناس البسطاء اللى لسه معتقدة ان النظام لسه فيه فاييدة طبعا ناهيكى عن الاحراج الدولى للنظام - احراج فقط لان امريكا واروبا راضيين عنه- .
احنا عاوزين نوصل الناس لمرحلة الاستعداد للتغيير بمعنى انه لو حدث تغيير فعلا الناس تكون مسانداه وتتفاعل معاه بايجابية
وعل قولك حتى لو ايبك متقتلش بكره يموت هههههههه

قويدر أوهيب يقول...

أخي عبد الكريم أرجو لو تعاين بريدك على الهوت ميل.kem198027@hotmail.com

يمكنك حذف هذا التعليق.

جايدا العزيزي يقول...

كل عام وانت الى الله اقرب وعلى طاعته ادوم

كل عام وانت واسرتك بالف خير

تحياتى

Kontiki يقول...

ازيك
الانتخابات كانت مهزلة :( و اعتقد حالنا سوف ينحدر للاسوأ !