١٦‏/٧‏/٢٠١١

الكتابة واللياقة الذهنية



احاول ان اعتاد على الكتابة المتصلة
فالكتابة (علم وفن)  علم يمكن دراسته وفن يمكن اكتسابه
ويقولون " اقرا كثيرا لتكتب كثيرا "
فى بعض الاوقات تكون هناك افكار صالحة للتطويع بالكلمات او احداث هامة تستحق التعليق او مناقشة تستوجب المشاركة
فضلا عن احداث الثورة وايام الاعتصام الاول والتى كنت اود تدوين كل ساعة فيها .
تزدحم الراس بين هذا وذلك .... ولكن بدون مبررات لا استطيع ان امسك بالقلم واخط به .
تلك الحالة لازمتنى خلال الشهور الماضية وربما من قبل الثورة .
الكتابة قد  تحتاج الى وقت
الكتابة قد  تحتاج الى قدرة
الكتابة قد  تحتاج الى لغة
ولكن دوما تحتاج لياقة ذهنية .
وهو ما افتقده الان وربما لفترة قادمة .

هناك ٤ تعليقات:

Unknown يقول...

ليه كده بس مفيش مانع من بوست ولو كل أسبوع كمان الكتابه بتجيب كتابه عن تجربه لما اشتركت في حملة التدوين اليومي في شهر يونيو بجد حسيت بفرق كبير.
أنا بقى عندي مشكلة وقت و لغه:)
فاشله في النحو

يا ريت تلعب تمارين أو تعمل أي حاجه عشان لياقتك الكتابيه ترجع افضل.
تحياتي ليك

Kontiki يقول...

ساعات بتعجز انك تكتب كلمة واحدة حتى لو لنفسك !

شمس العصارى يقول...

شيرين الجميلة .... ازيك
ماهو مفيش وقت فاضى فى الاسبوع كله هههههههه
موضوع حملات التدوين جميلة شهر 7السنة اللى فاتت داليا يونس عملة حملة تدوين شهرى واشتركت فيها ويادوب بالعافية كتبت 7 موضوعات على ما اذكر
تمارين ايه بقا دى اللى حتنفع ..... طقطقت عضلات المخ مثلا ههههههههههههه انا حلعب حديد
بس بعد الاحداث الجارية اليومين دول
منورة المدونة يا شيرين واحساس جميل ان لسه فى حد فاكرنى

شمس العصارى يقول...

كونتيكى هنا .... مش معقوووووووووووووول
اهلا اهلا يا كونتى منورة
فعلا معاكى حق وده اللى بشعر بيه كثيرا
الدماغ مليانة بس مفيش كلمة تتكتب
احداث الثورة واخدانا ومقصرين فى زيارة المدونيين ومدوناتهم وخصوصا " كونتيكى "
مرور جميل والاجمل لو استمر