7‏/11‏/2008

السكر و الشاى

السكر و الشاى
الشاى : يا حلو
السكر : يا مدوبنى
الشاى : ايه ده انت حتخشلى قافية
السكر : لا انا بمدح فى جمالك
الشاى : انت كمان بتتريق طيب انا فعلا جميل و اسئل كمان الانجليز على ال5clock tea
السكر : على ايه يا حسرة انت من غيرى و لا ليك طعم
الشاى : يا ثافل انا برضه كده طب ده حتى انا الناس من جمالى تشربنى على كده بدونك و ممكن تخلطنى لبن
السكر : برضه محتاجلى
الشاى : انت عاجبك صفارك يا برازيلى يا اصفر
السكر : سلامتك يا بنى يا كينى
الشاى : ده انت زمان كنت مكعب و دلوقتى سايب و لا حد عارف يلمك
السكر: هئ هئ اصمله عليك يا الى عملوك خرز " من العين يارب سلم "
الشاى : و الله تستاهل التكرير
السكر: و هو فى زيى طيب بص حلاوتى الكل ميقدرش يستغنى عنى
الشاى: ايه الغرور ده مين الى كدب عليك و قالك كده
السكر : اسئل حلاوة المولد و لا الكيك
الشاى : الكيك ده حبيبى و اكيد حيشهدلى و ينصفنى
السكر : انا عارفه كويس تيجى نرحله
الشاى : يلا هات ايدك يا سكر
السكر : يلا انت حبيبى من زمان و احنا نفترق عن بعض برضه
الشاى : يا حلو
السكر : يا مدوبنى
5/1/2008 و انا بشرب شاى ــــــــــــــــــــــــــــــــــــــــــــــ

ليست هناك تعليقات: