14‏/1‏/2009

تنازل عن مصر

تنازل عن مصر سيدى الرئيس بعد معايشة الوضع الحالى فى مصر و فهم عميق للواقع المنظور و غير المنظور و المستخبى و المدبر و المقروء و الغير مقروء و بعد فحص و تمحيص اقرار / أقر انا الموقع ادناه و انا فى كامل قواى العقلية و لكن مدمر القوى النفسية و المعنوية الشعورية و اللاشعورية : أنى أتنازل عن حقى فى وطنى مصر و لسيادتكم الموقرة كل الشكر التوقيع / مواطن مصرى لم تشعر به مصر فقرر أن يبادلها نفس الشعور قرار رئيس الجمهورية : بعد الاطلاع على الدستور و القانون قررنا الاتى : مادة واحد : تسقط الجنسية المصرية عن المواطن المذكور اعلاه و يحرم من كوبونات الماء و الهواء المدعمين مادة 2 : ينشر هذا القرار فى الجريدة الرسمية ................ ............ غيره طبعا الريس مستعجل ــــــــــــ لكن انت مين ....... و فين الملكة شجرة الدر و فين عزالدين ايبك و فين اقطاى - انا مواطن من شعب مصر - و انا اديتك ردى و مش عارف مين معايا و مين عليا .......... ـــــــــــــــــــــــــــــــــــــــــــــــــــــــــــــــــ انا مصرى و ابويا مصرى و بدعوا شعب مصر للتنازل مثلى ( حلوة الجملة الى فاتت دى صح ) " يا جماعة خلينا صرحاء مع بعض هى البلد دى بتاعتنا و لا بتاعتهم ......... خلاص نجيب من الاخر و نريح نفسنا " و يلا كلنا فى صوت واحد نقول """مبروك عليك مصر يا ريس انت و حاشيتك الموقرة و تدوم لابنائك و ابنائهم و احفادك و احفادهم """ ـــــــــــــــــــــــــــــــــــــــــــــــــ - ولو سمحت يا ريس متسألنيش ليه " انا فاهم و انت فاهم " و انا مصمم و مش حرجع فى قرارى و متغمزليش بعينك انا مش حقبل اى مساومات - " قال يعنى الرئيس بيهدينى و بيدادينى ،،،،،،،،، اه و حياة الاخوة هو بيعمل معايا كده ده بيحبنى - اه اكيد بيحبنى امال انتوا فاكرين ايه ( قال مستغربين قال ) ــــــــــــــــــــــــــــــــــــــــــــــ معلش يا جماعة اظاهر ان الشاى كان فيه حاجة و بعدين الى يكتب كلام زى ده اكيد اكيد اكيد...... مش عارف هما بيقولوا ايه ههههههههههه و يجعلو عامر ـــــــــــــــــــــــــــــــــــــ ختاما: ان تعطى ابنك موبايل ............ فانت طيب ان تعطى ابنك عربية ............. فانت كريم ان تعطى ابنك بلد بشعبها يلهو بها هو و اصحابه ......... فانت مبارك ـــــــــــــــــــــــــــــــ