١٤‏/١‏/٢٠١١

تونس الخضراء ..... تونس العزة

تحديث 2 : نقلا من الجزيرة تولى رئيس مجلس النواب رئاسة تونس  وهو ما يعنى خلو منصب الرئيس نهائيا 
طبعا ده شئ كويس لان كده لازم يعملوا انتخابات رئاسية ويتلوها برلمانية 
انا خفت من تدخل فرنسا فى الاول لكن الحمد لله فرنسا رفضت استقبال شين العابدين 
لكن الغريب ليه السعودية تستضيفه ، قطر اعلنت من امبارح تأيدها لثورة شعب تونس لكن لسه محدش قال حاجة من الدول العربية التانية - طبعا يستنوا شوية لغاية ما ياخدوا رأى امريكا وفرنسا هههههههههههه - وطبعا والاكيد ان الدولة العربية الوحيدة اللى حترفض ثورة تونس هى مصر ،،،، صح يا مبارك ههههههههه رفض رسمى اقصد لان شعب مصر كله فرحان لتونس وبينظرلها كقيمة كبيرة وربما يستلهم منها

تحديث1:
amiralcafe يقول...
ارجو منكم نشر هذا النداءإتباه الى كل التونسيين ماتخافوش.. إذا تسمعوا صوت سيارات أو شاحنات و ما تخافوش إذا تسمعوا إطلاق نار.. الجيش انتشر لحمايتنا و ثقتنا كبيرة في جُنود تونس.. نبقاو في ديارنا و ما نخرجوش.. و إذا تسمع صوت الكرتوش ماتخافوش و ما تخرجوش راهو صادر عن الجيش لحماية الشعب و التصدي للمجرمين و السراق .. لذلك لا داعي للفزع.. وان شاء الله ربي يسترنا ويحمينا الناس الكلالجيش التونسي يدعو الاتصال بأرقام الطوارئ للكشف عن أعمال نهب وانفلات 71560241/71560242/71160000/71335500
يناير 15,



والله  وعملوها الرجالة .... ورفعوا راس تونس بلدنا 
ووقفوا وقفة رجالة ..... مبروك لتونس وعقبالنا



بس بتمنى ان الشعب التونسى اللى اسقط شين العابدين هو اللى يمسك مقاليد الحكم والسلطة 
يعنى يكون النظام كله انهار مش رأس الرئيس بس اللى سقطت 
حنستنى الايام الجاية  حيحصل فيها ايه 
 ربنا مع التونسيين ويثبتهم وينصرهم  ويأزرهم
المهم النهاردة نفرح وبكره نحلل ونتكلم





هناك ٩ تعليقات:

Unknown يقول...

اذا الشعب يوما أراد الحياة
فلا بد أن يستجيب القدر
ولا بد لليل أن ينجلي
ولابد للقيد أن ينكسر .

مبرووك و في انتظار تحليلك

شمس العصارى يقول...

اهلا شيرين
نعم يستجيب القدر .... وبالتأكيد
شعب تونس ضرب المثل
ولمن اراد العيش عليه بالاقتداء بهذا المثل

جايدا العزيزي يقول...

والله وعملوها الرجالة .... ورفعوا راس تونس بلدنا
ووقفوا وقفة رجالة ..... مبروك لتونس وعقبالنا

اميييييييييييييين

الف مبروووووووووك لشعب تونس

تحياتى

شمس العصارى يقول...

اهلا جايدا
نباركلهم ونفرحلهم اكتر واكتر لما يمسكوا السلطة
اكيد كله حيبان فى الايام الجاية

بنوتة مصرية يقول...

مبرررررررررررررررررررررروك وعقبال مصر يارب ...

شمس العصارى يقول...

اهلا اية
ان شاء الله يوفقهم للاخر ويستلموا الحكم
وعقبالنا اكييييييييييد
ربما تكون تونس البداية

عبد الرؤوف بن عبدالسلام (أبوهارون) يقول...

ارجو منكم نشر هذا النداءإتباه الى كل التونسيين ماتخافوش.. إذا تسمعوا صوت سيارات أو شاحنات و ما تخافوش إذا تسمعوا إطلاق نار.. الجيش انتشر لحمايتنا و ثقتنا كبيرة في جُنود تونس.. نبقاو في ديارنا و ما نخرجوش.. و إذا تسمع صوت الكرتوش ماتخافوش و ما تخرجوش راهو صادر عن الجيش لحماية الشعب و التصدي للمجرمين و السراق .. لذلك لا داعي للفزع.. وان شاء الله ربي يسترنا ويحمينا الناس الكلالجيش التونسي يدعو الاتصال بأرقام الطوارئ للكشف عن أعمال نهب وانفلات 71560241/71560242/71160000/71335500

Kontiki يقول...

يد الله مع الجماعه يحيا الشعب

شمس العصارى يقول...

اهلا كونتيكى
فعلا يد الله مع الجماعة ولا عزاء للفرادى
ودى مشكلتنا فى مصر واللى مأخرة ثورة زى ثورة تونس كده
النخبة المنقسمة والتى لن تجتمع ابدا على اهداف محددة
طولتى الغيبة يا كونتيكى ... وبعدين اللى يغيب مش يقول طيب
تحياتى