١٩‏/٨‏/٢٠١١

يوميات رمضانية



الجمعة  5/8والسبت 6/8                  " ما احلى الرجوع اليه "
صوت طيب صافى جميل انسجم معه كثيرا من القراء القلة جدا الذين اشعر معهم بمعنى " القرأن ينزل على صدرك يغسل قلبك " معنى لا يتكرر كثيرا ولكنى اوقات اشعر به عند الاستماع لقارئ صلاة التراويح بمسجد الطحاوى باكتوبر والذى لا اعرف الا اسمه الاول – احمد – فقط .

الاحد 8/8                                    " لقاءات سياسية "
 ضمن لقائاتنا السياسية كان لقاء محدود مع الكاتبة امينة شفيق فى مبنى الاهرام – اول مرة ادخله -  الكاتبة طيبة وبسيطة وكلامها يسمعك بوضوح ولكنها كانت متحفظة – كما ارى – فى الرد على اسئلة كثيرة سواء عن حزب التجمع او التيار اليسارى عموما او حتى عن صراع التيارات الحاصل الان فى مصر . 
الاثنين  9/8                              " شغل شغل شغل اللى ما بيخلصش "
*الطابعة متعفرته ومش بتطبع ... ليه
*ملك صادق وموقف قوى او انسانى – يقصد عبدالله ملك السعودية فى موقفه من سوريا –
* الطابعة بتطبع اهه  .......... اهى حشرت اهه ........ طب كويس
*اردغان بالعربية لبشار " من دَق دُق " – تاجيل طعن العادلى ومبارك .
*ورقة كانت محشورة فى الADF    والطابعة شغالة كويس
* الشباب الاتراك يزورون معسكر اداديب – طيب واحنا فين من الصومال –
الاخبار – الجزيرة – كنت اشاهدها وانا بصلح طابعة .
الثلاثاء  10/8                           " بداية يوم بدون مياه "
على الصبح كده الميه مقطوعة – كويس انى كنت مصلى الفجر والا كنت احترت .... يله قزازة فى التلاجة اهه  تنفع برضه . يقطع مساكن الشروق وسنينها ... وعلى ايه ماهى مقطوعة لوحدها اهه .
الخميس 11/8                        "افطار فى البيت بدون ترتيب "
لم اكن انوى السفر ..... الا انه من الجميل الافطار فى البيت وسط الاهل .
الاحد 14/8                           " سفر طوووووووووووويل "
24 ساعة سفر متصلة  قنا – اسيوط – الخارجة – اسيوط – القاهرة  ... يوم  متعب ومرهق جدا .
الاثنين 15/8                       "لقاءات سياسية "
لقاء مع المرشح الرئاسى المحتمل محمد سليم العوا .... الرجل يختلف عما يشاع عنه .. على العكس الرجل مستمع جيد ورادّ قوى ويعطى فرصة لمحاوريه و متفهم  بعلم .
الثلاثاء 16/8                      "لقاءات سياسية "
لقاء تعريفى بحزب التيار المصرى ............. يعنى لسه حقرر
الخميس 18/8         "  اسماء محفوظ "
خبر عن تنازل المجلس العسكرى عن بلاغه ضد اسماء ونجاتى .... الخبر مفرح لكن بقى الكثير مثلهم يحاكمون امام القضاء العسكرى .... ولكن ما وراء الخبر اشعر وكأن المجلس العسكرى ليس على قلب رجل واحد فى القرارات او لا تتم بطرحها يعنى ممكن لواء او قيادة حب يأدب النشطاء مما يعنى ان الموضوع يتم بشكل فردى ... او هكذا افهم .
الخميس 18/8  " احداث سيناء "
هما مش حيعملونا استدعاء ولا ايه يا جدعان .... امال احنا قاعدين بنعمل ايه .


هناك ٨ تعليقات:

عبد الرحمن سالم يقول...

جميلة أوي القصاصات/التدوينات/المذكرات دي.

بس ربنا يستر على باقي أيام رمضان.. رمضان السنة دي مشتعل بالأحداث :)

شمس العصارى يقول...

اهلا عبدالرحمن
دى بعض من الايام المليئة بالاحداث فى رمضان سواء الشخصية او ذات الطابع العام
فعلا رمضان السنة دى غير كل رمضان فات وملئ بالاحداث
بس احنا مرينا باحداث كبيرة ونقدر نعدى الجاى - اينا كان - باذن الله
شكرا على المتابعة

Unknown يقول...

جميله اليوميات أوي بتكتبها بروح مرحها رغم إنها مليانه مشاكل :)
و دي اجمل حاجه في المصريين
ربنا يوفقك في شغلك
و في إنتظار باقي اليوميات

تحياتي و إحترامي لك

شمس العصارى يقول...

اهلا شيرين
لا انا مش من هوات اليوميات خالص
بس الفراغ تقولى ايه بقا ههههه
اصل انا مش ظابط نفسى فى رمضان السنة دى وحاسس انه ضاع منى
اكيد لازم نهونها علشان تعدى رغم صعوبتها ومشاكلها
يمكن اكرر اليوميات تانى ... يمكن
شكرا على المتابعة الجميلة دى
دمتى بكل خير

جايدا العزيزي يقول...

كل عام وانت بخير

عيد سعيد

تحياتى

Kontiki يقول...

حلوة المذكرات :)

شمس العصارى يقول...

اهلا جايدا
كل سنة وانتى طيبة وبصحة وسلامة
مرور جميل دوما

شمس العصارى يقول...

اهلا كونيكى
حلوة المذكرات لانك علقتى عليها ههههههه
بس دى مش مذكرات دى يوميات سريعة بس
مرور جميل دوما يا كونيكى