٧‏/٥‏/٢٠١٠

سفالة ما بعدها سفالة - الكدب بعينه

ادى رده على العمال




بالروح بالدم يفدوه من ايه ولاد الكلب
يفدوه من الشعب مثلا
ولا يفدوه من الموت
الفيديو يؤكد بما لا يدع مجالا للشك انهم وصلوا لادنى مراحل النفاق فلا يوجد احد يسمع لهم او يصدقهم
و البيه الكلب بيرد على المطالبين بحد ادنى للاجور
قال ايه بيقول " زيادة الاجور حترفع التضخم " .... فى اى قوانين اقتصادية الكلام ده الى بيقولوا
ثم فين " واقف جنب العمال" الى هو بيقولها فى الفيديو
و ايه هى الانطلاقة الجديدة دى  زى الفكر الجديد بتاع الحزب المش وطنى
لا و بيقلك " حافظا لعهدى معكم  منحازا لقضاياكم و حقوقكم  و متصديا لكل من يحاول  الانتقاص من هذه الحقوق " .


امال مين الى لامم حوليه عصابة و سايبهم يسرقوا لحسابه 
هو بروح امه بتكلم عن دولة تانية و مجتمع تانى غير الى عايشينه فى مصر
طيب ما يروح يشوف العمال المعتصمين بدل ما يروح احتفال النفاق
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ


كيف الحال يا عم حسنى وكيف احوالك
كيف صحة الولد ربنا يخلى لنا جمالك
البنت مصر بنتك لسه قرفاك فى حياتك
ما تسيبها يا عمنا وبلاش تديها لولادك

البيه جمال كيف حال جزمته الجديدة
داس على كام رقبة وشرف فقيرة
ولا يهمك يا بوى الكلام من دى الوتيرة
عام يقولوا حرية ووطنية وشوية ميه نضيفة

بيقولوا ولاد الكلب الفقرا ام دم تقيل
ان الحاج حبيب نازل فيهم طحن وتقتيل
وايه يعنى لما يدرب ولاده على التنشيل
والرجالة يجربوا الجذم الجديدة على القتبل

معلهش يا بوى ماهو مش فاهمين
يسيبوا الاسمر جمال عشان رغيفين
ويفرحوا لما تريكة جابلوهم جونين
مش بقولك يا حاج اغبيا مش فاهمين

وايه اخبار صاحب ولدك الجديد
الباشا الابيضانى بتاع سيخ الحديد
مش زين ربنا يديكم العمر المديد
وفى داهية انا ومصر وحبها الشديد

وانت يا مصريا اما كيفك يا والية
بقولك ما تشيلى عشقك غارز جوايا
عايز اعيش واجوز الوله والبنية
ويا دوب اكل لقمة وشربة مش هنية

واه يا با يا اللى سبتينى مت بدرى
ليه مخلتنش من اللى اخطف واجرى
كيف يا ابا زرعتنى جواها من جذرى
بيقولى ماهو العشق مكتوب يا ولدى

وانت ايه يا دمعه العين الحارقة
لية فرتى لما لاقتيها مواطية وراكعة
قالت اسال شجرة الشوق اللى جواك سارحة
ضحكت وضحكتى طلعت حادقة


الشعر طبعا منقول

هناك تعليقان (٢):

Muhammad Al-Ansary (@iOrto) يقول...

العمال كانوا معتصمين عند مجلس الشعب

أما المرتزقة دول فبتوع حسين مجاور

أكرر

العمال ما حضروش عيد العمال

العمال كانوا ساعتها في شارع مجلس الشعب

شمس العصارى يقول...

انسان افتراضى : اهلا بك
انا عارف ان الى حضروا مش عمال خالص
و عارف ان ده مسلسل هابط بتاع كل سنة بس السنة دى الحبكة زايدة شويتين
انا قلت فى بوست سابق ليا من كام يوم انهم دول مش العمال
http://shamsal3sary.blogspot.com/2010/05/blog-post_04.html
و كنت بتسأل مستنكرا كلنا نعرف العمال و عارفينهم معتصمين يبقى مين الى بيهنوا الرئيس دول
بس نعمل ايه من الخنقة دى