٤‏/٨‏/٢٠١٠

المستشار " ممدوح السقا " .... فى ذمة الله




انا – عكس كثير من المصريين – لا اثق تمام فى القضاء المصرى و هذا ليس انتقاصا منه و لكن تشكيكا فى بعض افراده  الذين باعوا انفسهم للنظام الحاكم و الذين يسيئون للقضاء ولنا بافعالهم .
فكيف لقاضى ان يتنازل ليعمل مستشارا قانونيا لوزير من اجل بضعة الاف و كيف نقرأ الممارسات الخاطئة لبعض القضاة فى الانتخابات ولا يوجد عقل يقبل بحكم قاض مثل مل حُكم به فى قضية العبارة السلام 98 او قضية اكياس الدم او غيرهما كثيرا من قضايا الفساد التى نعايشها و التى فى مجملها يكون الحزب الوطنى متورط فيها اعضاءا و قيادتا .
و من ناحية اخرى لا نغفل حق وقدر و مصداقية و نزاهة كثير من القضاة و الذين وقفوا ولا يزالوان ضد افعال نظام الحكم و ضد الفساد المستشرى فى السلطة و الذين لا يحكمون الا بالعدل و الحق .
ولا يخفى على احد ان شرفاء القضاة يعاقبوا الان و منذ فترة لموقفهم الرافض لمشاركتهم فى مهازل مسلسل الانتخابات فهم اعلنوا و بكل وضوح رفضهم لشكل و طريقة الانتخابات و طالبوا بان يكون لهم الاشراف الكامل و الفعلى على كل مراحل الانتخابات او ان يتنحوا هم جانبا بعيدا عنها فى حالة اصرا نظام الحكم على التزوير .
من النوعية الثانية -و التى ترعى ضميرها و تحكم الحق و العدل و مراعاة مصالح الناس البسطاء – المستشار ممدوح السقا وهذا واضح فى اكثر من حكم له كان اخرهم منذ ايام .
الرجل فى ذمة الله جراء حادث اليم استئت كثيرا  و انا اقرأ الخبر .
ولكنى هنا اضم صوتى لمن طالب بتحقيق عادل و نزيه و مستقل فى الحادث لانه بكل بساطة الريبة دخلت فى قلوبنا .
رحم الله الفقيد و اكثر من امثاله ورزق اهله الصبر و أكرم ابنائه .

هناك ٨ تعليقات:

بنوتة مصرية يقول...

ان القضاء المصرى وده بجد مش مجرد كلام اقل الطوائف المهنية فسادا على مستوى البلد بمعنى انه لو اى مجال اى مجال نسبة الفساد فيه 10% فى القضاء هتبقى 1% ودى ...نسبة طبيعية موجودة فى اى حتة فى الدنيا
المشكلة الوحيدة ان قوانين الدولة مهلهلة وفيها ثغرات كتير بيتلعب عليها القاضى مبيحكمش بمشاعره ولا بعقله بيحكم بنصوص مقيد بيها

شمس العصارى يقول...

لالالالالالالالالالا يا اية
كلامك منقوص
مينفعش القضاء يكون فى فساد اطلاقا سواء هنا او فى اى حتة فى العالم لانه ببساطة هو فيصل بين الناس يعنى لو واحد بس فاسد يبقى يفسد كتير مما يعرض عليه من قضايا يعنى مينفعش قاتل و ياخد براءة و نقول اصل دى اقل نسبة فساد فى الدولة
ثم ليه بتاخدى الفساد القاعدة الى بتقيسى عليها
ليه ميبقاش الحق و العدل هو الاساس
ومفيش حاجة اسمها نسبة فساد طبيعية ازاى فساد و ازاى طبيعية
خشى على جوجل و شوفى نسبة الفساد فى فلندا او النرويج او السويد او الدنيمارك
انا معاكى ان قوانين الدولة مهلهلة و متنفعش
بس فى حاجة اسمها " حسب ما يترائى للقاضى " يعنى القاضى يجوز له ان يحكم بشئ لم يرد فى قانون طالما له اصل فى الشريعة او الدستور
ثم ان القاضى ربما لا يحكم بمشاعره ولا بعقله فعلا لانه ممكن يحكم بما يريد من اولاه المنصب او اعطاه القضية
ازاى يعنى هانى سرور ياخد براءة
ازاى ممدوح اسماعيل يكون طليق وحر
و ااى ز ازاى حتلاقى الالاف ازاى
ثم انتى بتقولى " ان القضاء المصرى و ده مش مجرد كلام ...." وانا لا اعتقد انه لكى تجارب فى المحاكم تجعلك تحكمى هكذا
ايه روحى المحاكم و اسمعى من الناس
فيه قضاة مبيرضوش يسمعوا الناس وفى قضاة بيحكموا حسب ورق النيابة و فى قضاة بيحكموا حسب مل تعوز الحكومة و فى وفى وفى
روحى انتى بس المحاكم و شوفى

بنوتة مصرية يقول...

ربنا يبعد عننا المحاكم ...
عموما دى وجة نظر
انت بتشتغل محامى ؟

شمس العصارى يقول...

هههههههههههههه
لا انا مش محامى
ودى معلومات عادية اعتقد ان على الكل معرفة اكثر منها
و بعدين اى وجهة نظر علشان تكون مقبولة لازم تكون سليمة و مطابقة للصحيح و مسايرة للواقع
علشان كده انا ارفض مقولة " اقل نسبة فساد موجودة فى القضاء "
و اكيد ربنا يبعد عننا المحاكم و القضايا او يبعدها عنا
دمتى بكل خير

بنوتة مصرية يقول...

حضرتك ترفض زى ما انت عايز ولكن يجب ان نقبل وجة نظر الآخر حتى لو غير موافقة لآراءنا يجب ان تحترم ...

شمس العصارى يقول...

ايه يا اية حسستينى بالخطر
و خصوصا بعد حضرتك و الكلام ده هههههههههههههههههه
بصى انا كلامى لم ينقصه احترام الغير و رايه
انا قلت ارفض مقوله " اقل نسبة فساد " و مقلتش ارفض رايك
و عدم قبولى لجملة او راى لا يتعارض مع الاحترام
الاحترام كل الاحترام للغير و لكلامهم طبعا
بس نناقشه و نقبله او لا نقبله
وفى حالة عدم قبولنا له ده لا يقلل من الاشخاص ولا يقلل من رايهم والدليل انى مش بعارض من اجل المعارضة انا دايما بحب القول المتفق مع الواقع
اخيرا الاحترام ليكى و لرايك و انا فى كلامى لم احد عن الاحترام

غير معرف يقول...

رحمه الله و تقبله
و أظهر الله الحق
آمين

شمس العصارى يقول...

اللهم اظهر الحق
و ارزقنا اتباعه
زيارة عزيزة يا دكتورة ايمان
شكرا لتشريفك لنا