لماذا اكتب

محاولات غير مكللة

الكتابة شئ جميل جدا و قد جربت احساس القراءة الرائع و مع هذا الاحساس لابد و ان تشعر بانك تود الكتابة

امسكت بالقلم و لكته استعصى عليا كثيرا فتركته

و لكن مع جود القلم امامك لا يتركك احساسك به

لست كاتبا و لا اعرف طريقة الكتابة – فالكتابة فن و علم ايضا – و لكنى احب ان اجرب الكتابة فهى محاولات غير مكللة

اخيرا قررت ان اكتب اى شئ ( خاطرة – تعليق على حدث – انفعال – تدوين احساس .......................)

فلم اعد اهتم لمن اكتب

و قررت ان اكتب لنفسى و عن نفسى و ادون من اجل الزمن فقط

فانا امسك بالقلم و هو يتولى الباقى عنى

18/12/2009

و بعد ده كله زعلان من اوضة 20

بيقولوا ان تبارك - ايوه هى " ت" مش ميم علشان اخوانا البعدة  يا عم الحاج -  لقى نفسه فى النار و مكانه فى اوضه 20

وقال لنفسه مبدهاش بقا هنا مفيش هزار انا اروح اوضه 20 دى و خلاص هنا مفيش شرطة و جيش و حاشية يحمونى

المهم مشى يدور على اوضه 20 و فضل ماشى كتير لما تعب و اخيرا لقى واحد فقال لما اساله فين اوضه 20 يمكن اكيد هو من سكان النار و عارف

قام الرجل رد و قاله " يخرب بيتك ده انا ابوجهل و داخل اوضه 7 .......... هو انت عملت ايه بالظبط لما تدخل اوضة 20 "

تفتكروا بعد الى عمله مبارك فى شعبه من نجويع و ظلم و ازلال و اعتقال و بعد الى عمله مع الغزويين من حصار و تجويع تفتكروا يبقى مكانه اوضه كام ؟؟؟

لو بايدى احطه فى اوضه 20بعد المئة مش 20 وبس

و ان شاء الله جدران اوضه 20 بعد المئة تكون اقوى من جدران السور الفولاذى على حدود غزة ..

و يبقى يقابلنى لو لقى نفق يطلع منه

19/12/2009

انا البرادعى يا لطفى

انا البرادعى يا لطفى هههههههههههههه
طبعا عارفين البرادعى
و حقولكم على لطفى يبقى مين
يحكى فى قديم الزمن و بعد كان يا ما كان ان رجلا بسيط ذهب ليشترى زيت فلقى سعره غالى فقال " الله يحرقك يا لطفى " . راح يشترى بطاطس برضه لقاها غالية فقال " الله يحرقك يا لطفى " راح للمكرونة لقاها نفس الشئ و قال " الله يحرقك يا لطفى " اخر ما زهق راح يشترى عيش وقف فى الطابور 4 ايام و فى الاخر معرفش ياخد عيش و قال – دى مبقتش عيشة دى " الله يحرقك يا لطفى " –
سمعه مخبر من امن الدولة- الى بقوا اكتر من حبات الرز و الذرة - و قبض عليه
وراح وراماه فى الامكان الى انتوا عارفينها – اصل انا معرفهاش ولا عمرى زرتها اساسا ههههههه- فالظابط بيسال المخبر : تهمته ايه ده كمان ؟؟ رد المخبر : ده مش عارف اسم الريس .
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
فى رايىّ الشخصى – الواقعى و المتواضع طبعا – ان رئيس نصر القادم لابد و ان يكون معتمدا امريكيا و اسرائيليا كمان – و هذا مفتاح مخطط التوريث الحال – و مع استمرار النظام الحاكم فى تخويف الناس من الاخوان – داخليا و خارجيا- و مع حملاته الظالمة عليهم استطاع ان يبعدهم – مؤقتا – عن الانتخابات الرئاسية القادمة و رجعنا لنقطة الصفر من جديد و هى غياب البديل المناسب للحكم
اهم ميزة للبرادعى انه مقبول دوليا و هو الشئ الذى يفتقده كل احد حاليا – وهذا ما يفسر هجوم النظام و اذنابه على الرجل - و الشعب ما صدق يلاقى حد يقف امام مبارك و ابنه .
انذهب ابعد من ذلك : ليس المهم اسم الرئيس القادم و لكن الاهم ماهى توجهات و افعال الرئيس القادم ؟
عن نفسى انا ضد مبارك و ابنه الى مينفعش فى حاجة غير انه يتابع المنتخب ده حتى الماتشات الرسمية الى بيحضرها بنتوكس فيها " شوفتوا النحس " المهم نبقى نديلوا عضوية مدى الحياة فى حضور تدريبات المتتخب
انا مش متفائل خالص و خلوا بالكم انا مقلتش ان البرادعى ينفع او لا بس لو اترشح فعليا – و ده صعب – و مفيش حد مرشح من الاخوان او حتى مرشح يدعموه ساعتها ممكن ادى صوتى للبرادعى رغم انى زعلان منه و مش حاسس انه هو برئ فى موضوع العراق النووى
لا احد يعلم ما يخبه القدر لهذا الوطن
نلتقى بعد البرادعى 20/12/2009

الظلام المخيف

الخوف من الظلام

لماذا اشعر بالرهبة فى الظلام و اقول الرهبة و ليس الخوف

فأنا لاأخاف من الظلام و لا من أى شئ مخيف فالحمد لله اتحلى بشئ من الشجاعة

و لكن اقصد تارهبة و الشعور الخفى الداخلى

اذن انا اتحدث عن الظلام الداخلى نتيجة الظلام الخارجى

فاثناء الظلام حيث لا ترى عينى الاشياء اشعر بالانفصال عن الاشياء و ربط الظلام الدنيوى بظلام القبر الموحش

فأشعر بالقرب من الله و مناجاته

و هنا يتبادر الى زهنى " لما انت بعيد عن الله،  و لماذا تعصيه ؟ "

فاعلن على الفور التوبة و الانابة الى الله

فى الظلام انفصل عن الدنيا و اشعر بالقرب من الاخرة

اغوص فى نفسى و اقلب داخلها أبحث عن حطامها و ما يمكن اصلاحه منه

أحاول ان استشرف المستقبل

" لما انا على هذه الحالة ،،،،،،،،،،

لكن الغريب و العجيب و المحير ايضا ان هذا الشعور يختفى مع إختفاء الظلام " يا له من تلازم غريب محير "

9/2/2008

السير تحت المطر

يا له من شعور رائع و صعب الوصف
و لكن ادعوك لتجربة هذا الشعور
ما هو الشعور :
شعور السير تحت المطر
كم هو جميل ورائع و انت تسير بهدوء و المطر يتساقط عليك و من حولك
احساس بالرضا لا اشعر به الا قليلا جدا
احساس بالقرب من الله
احساس ببساطة الحياة و سهولتها
احساس بالمتعة الشخصية ( لا ادرى لماذا )
احساس بجمال الطبيعة
ــــــــــ ــــــــــــ ـــــــــــــــــ
دائما و انا اسير تحت المطر اتفكر فى نفسى و اغوص بداخلها ( اغتنم لحظات صفوها )
قشعريرة برد فى جسدى
دخات مطر على رأسى
خطوات هادئة السير
دعاء بضراعة
هدوء نفسى عجيب لا اشعر به الا نادر و لا يشابهه الا الجلوس فى الجامع بعد الصلاة
فى الجامع او تحت المطر لا حجاب بينك و بين الله

فى كلاهما :
مناجاة مسموعة الصوت ( صوت داخلى )
توبة جميلة
مغفرة متاحة
سعادة غامرة
رضا داخلى
مع هدوء الطرقات
كما قلت صعب الوصف هذا الشعور
و لكن بكرر الدعوة " لازم تجرب "
معلش انا حبيت انقلكم الاحساس ده بس معلش بليتكم معايا
اكيد للسير بقية
دمتم فى حفظ الله 22/01/2008